മയ്യഴി: ഈസ്റ്റ് പള്ളൂര്‍ അവറോത്ത് ഗവ. മിഡില്‍ സ്‌കൂള്‍ സീഡ് ക്ലബ് ശിശുദിനത്തില്‍ പ്രീപ്രൈമറി കലോത്സവവും കലാമേളയും നടത്തി. കുട്ടികളുടെ റേഡിയോ ക്ലബ് 'കുഞ്ഞാറ്റക്കൂട്ട'ത്തിന്റെ ഒന്നാംവാര്‍ഷികവും ആഘോഷിച്ചു. പി.ടി.എ. പ്രസിഡന്റ് കെ.വി.ഹരീന്ദ്രന്‍, ഉദ്ഘാടനംചെയ്തു. സീഡ് റിപ്പോര്‍ട്ടര്‍ അങ്കിത പ്രേം അധ്യക്ഷതവഹിച്ചു. പ്രഥമാധ്യാപകന്‍ എം.മുസ്തഫ ശിശുദിനസന്ദേശം നല്കി. കെ.ആകാശ്, തേജാമോഹന്‍, സീഡ് കോ ഓര്‍ഡിനേറ്റര്‍, ടി.വി.സജിത, അന്‍സില്‍ അരവിന്ദ്, സുനിത കെ.വി., കെ.കെ.മനീഷ്, സി.എന്‍.ആനന്ദവല്ലി എന്നിവര്‍ പ്രസംഗിച്ചു.
