കട്ടപ്പന:വലിയതോവാള ക്രിസ്തുരാജ ഹൈസ്‌കൂളില്‍ സീഡ്പദ്ധതിയുടെ ഭാഗമായി 1000 ഏത്തവാഴ തൈകള്‍ വിതരണം ചെയ്തു. 1000 അമ്മത്തോട്ടം പദ്ധതിയുടെ രണ്ടാംഘട്ടമായാണ് വാഴതൈകള്‍ നല്കിയത്. കുട്ടികളുടെ വീടുകളിലും സ്‌കൂളിന്റെയും, ഹോസ്റ്റലിന്റെയും സ്ഥലങ്ങളിലും ജൈവരീതിയാണ് കൃഷിനടത്തുന്നത്. കാര്‍ഷികാഭിമുഖ്യം വളര്‍ത്തുകയെന്നലക്ഷ്യത്തോടെയാണ് ഫലവര്‍ഗകൃഷികള്‍ക്കുള്ള തൈകള്‍ നല്കിയത്.
സ്‌കൂള്‍ അങ്കണത്തില്‍ മാനേജര്‍ ഫാ.ജോര്‍ജ് കൊട്ടാടിക്കുന്നേല്‍ സ്‌കൂള്‍ ലീഡറിന് തൈ നല്കി വിതരണോദ്ഘാടനം നിര്‍വഹിച്ചു. ഹെഡ്മിസ്ട്രസ് പി.ടി.മേരിക്കുട്ടി, സീഡ് കോ ഓര്‍ഡിനേറ്റര്‍ ബിനു സെബാസ്റ്റ്യന്‍, ദീപു ജേക്കബ്, മാര്‍ട്ടിന്‍ ജോസഫ്, ബാബു തോമസ്, ജോസഫ്, എലിസബത്ത് തോമസ്, സി.മേരി അഗസ്റ്റിന്‍ എന്നിവര്‍ നേതൃത്വംനല്‍കി.
