ജീവകാരുണ്യത്തിന് കുട്ടികളുടെ 'ആശ്രയദീപം'

ഒറ്റപ്പാലം: ജീവകാരുണ്യപ്രവര്‍ത്തനത്തിന് സഹായവുമായി സീഡ് ക്ലബ്ബംഗങ്ങള്‍ 'ആശ്രയദീപം' പദ്ധതി തുടങ്ങി. വരോട് യു.പി. സ്‌കൂളിലെ കുട്ടികളാണ് സ്‌കൂളില്‍ പെട്ടിസ്ഥാപിച്ച് ധനശേഖരണം തുടങ്ങിയത്. അര്‍ഹതയുള്ളവര്‍ക്ക് ഇതില്‍നിന്ന് സഹായം നല്‍കും. പ്രധാനാധ്യാപിക വി.ആര്‍. വിലാസിനി ഉദ്ഘാടനം നിര്‍വഹിച്ചു. സീഡ് കോ-ഓര്‍ഡിനേറ്റര്‍ കെ. കൃഷ്ണരാജ്, കെ. ജയശ്രീ, സി. ശ്രീലത, രഞ്ജു എന്നിവര്‍ നേതൃത്വംനല്‍കി.