രജിസ്‌ട്രേഷന്‍കിറ്റിന് സീഡ്ക്ലബ്ബിന്റെ തുണിസഞ്ചി

പത്തിരിപ്പാല: ജില്ലാ ശാസ്‌ത്രോത്സവത്തിലെ രജിസ്‌ട്രേഷന് തുണിസഞ്ചി കിറ്റ് നല്‍കിയത് സീഡ് ക്ലബ്ബംഗങ്ങള്‍. ചെറുമുണ്ടശ്ശേരി യു.പി.സ്‌കൂളിലെ മാതൃഭൂമി ഹരിതം സീഡ് ക്ലബ്ബംഗങ്ങളാണ് തുണിസഞ്ചി നല്‍കിയത്. 'പ്ലാസ്റ്റിക് കാരിബാഗുകള്‍ ഒഴിവാക്കൂ, ഭൂമിക്ക് നന്മയുടെ തണലൊരുക്കൂ' എന്ന സന്ദേശം രേഖപ്പെടുത്തിയ സഞ്ചിയാണ് നല്‍കിയത്. ഒറ്റപ്പാലം ഉപജില്ലാ ശാസ്‌ത്രോത്സവത്തിലും തുണിസഞ്ചി നല്‍കിയിരുന്നു. തൃക്കടീരിയില്‍ നടക്കുന്ന ഉപജില്ലാ കലോത്സവത്തിലും തുണിസഞ്ചി നല്‍കും.