പരിസ്ഥിതിക്കായി പോസ്റ്റര്‍ചിത്രരചനാ മത്സരം

ആനക്കര: മലമല്‍ക്കാവ് എ.യു.പി. സ്‌കൂള്‍ മാതൃഭൂമി സീഡ് ക്‌ളബ്ബ് അംഗങ്ങള്‍ വന്യജീവിവാരാഘോഷത്തിന്റെ സമാപനഭാഗമായി പോസ്റ്ററുകളും ചിത്രങ്ങളും തീര്‍ത്തു. ചിത്രങ്ങള്‍ക്ക് അടിക്കുറിപ്പ് തയ്യാറാക്കുകയും പ്രകൃതിവന്യജീവി സ്‌നേഹം ജനങ്ങളിലെത്തിക്കാന്‍ സന്ദേശവിനിമയ പ്രവര്‍ത്തനങ്ങള്‍ നടത്തുകയും ചെയ്ത് കുട്ടികള്‍ മാതൃകയായി. പ്രധാനാധ്യാപകന്‍ ഒ.കെ.എം. നീലകണ്ഠന്‍, സീഡ് കോഓര്‍ഡിനേറ്റര്‍ എം.സി. മനോജ് എന്നിവര്‍ നേതൃത്വം നല്‍കി.