ഒറ്റപ്പാലം: സാമൂഹികപ്രശ്‌നങ്ങളില്‍ മാവേലി നേരിട്ടിടപെടുന്ന ബോധവത്കരണ നാടകവുമായി പനമണ്ണ യു.പി. സ്‌കൂളിലെ സീഡ്ക്ലബ്ബ് അംഗങ്ങള്‍ ഓണമാഘോഷിച്ചു.
മാവേലിയായും മന്ത്രിയായും വേഷം ധരിച്ചെത്തിയ വിദ്യാര്‍ഥികള്‍ ബസ്സുകളുടെ മത്സരയോട്ടവും പുതുതലമുറയുടെ മൊബൈല്‍ഭ്രമവും ചാറ്റിങ്ങും ബോധവത്കരണത്തില്‍ വിഷയമാക്കി. പ്ലാസ്റ്റിക് മാലിന്യമുണ്ടാക്കുന്ന പ്രശ്‌നങ്ങളും ചര്‍ച്ചചെയ്തു.
പ്ലാസ്റ്റിക്മാലിന്യത്തെക്കുറിച്ചുള്ള ലഘുലേഖകള്‍ സ്‌കൂളിന് പുറത്തുള്ളവര്‍ക്കും മാവേലി വിതരണംചെയ്തു. മാവേലി സമീപത്തെ വീടുകളിലും കടകളിലും സന്ദര്‍ശനം നടത്തി.
പൂക്കളമത്സരവും പായസവിതരണവും ഉണ്ടായി. പ്രധാനാധ്യാപിക കെ. ലത, കൃഷ്ണലാല്‍, സീഡ് കോ-ഓര്‍ഡിനേറ്റര്‍ പ്രതീഷ്, ശ്രീഹരി എന്നിവര്‍ സംസാരിച്ചു.
