വെളിയന്നൂര്‍: വന്ദേമാതരം വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ 'മാതൃഭൂമി' സീഡ് ക്ലബ്ബ് അംഗങ്ങള്‍ കേരളപ്പിറവി ദിനത്തിനൊപ്പം ശ്രേഷ്ഠഭാഷാവാരവും ആഘോഷിച്ചു. ഭരണഭാഷ പ്രതിജ്ഞ എടുത്തു. വിദ്യാര്‍ഥി പ്രതിനിധി ഐശ്വര്യ സുരേഷ് കേരളപ്പിറവി സന്ദേശം നല്‍കി. കേരളത്തിലെ മഹാരഥന്മാര്‍ എന്ന വിഷയത്തില്‍ സെമിനാര്‍ സംഘടിപ്പിച്ചു. ഹെഡ്മാസ്റ്റര്‍ ഇന്‍ ചാര്‍ജ് കെ.എന്‍. സുജാത ഉദ്ഘാടനം ചെയ്തു. സീഡ് ക്ലബ്ബ് പ്രസിഡന്റ് ആകാഷ് വിനോദ് ആധ്യക്ഷത വഹിച്ചു. ശില്പഷാജി, ആര്യാമോള്‍ ഗിരീഷ്, ദേവു മുരളി എന്നിവര്‍ പ്രബന്ധങ്ങള്‍ അവതരിപ്പിച്ചു. നീലകണ്ഠന്‍ നമ്പൂതിരി, എസ്. ദീപ, എന്‍.പി. അഞ്ജലി, സീഡ് കോ-ഓര്‍ഡിനേറ്റര്‍ എം. ശ്രീകുമാര്‍ എന്നിവര്‍ പ്രസംഗിച്ചു.
