ശ്രീകൃഷ്ണപുരം: കൃഷി ജീവിതത്തിന്റെ ഭാഗമാക്കുകയാണ് ഈ മിടുക്കര്‍. ഇതിനായി 10 സെന്റ് സ്ഥലം പാട്ടത്തിനെടുത്തു. കഴിഞ്ഞദിവസം ഉത്സവംപോലെ ആഘോഷമാക്കി ഞാറുനടുകയുംചെയ്തു.
സെന്റ് ഡൊമനിക് ഇംഗ്ലീഷ്മീഡിയം സ്‌കൂളിലെ സീഡ്ക്ലബ്ബ് അംഗങ്ങളാണ് സീഡ് പദ്ധതിയുടെ ഭാഗമായി കൃഷി ജീവിതസംസ്‌കാരമായി മാറ്റുന്നത്. പാരമ്പര്യകര്‍ഷകനായ ശങ്കരനാരായണന്റെ നേതൃത്വത്തിലാണ് 25ഓളം വിദ്യാര്‍ഥികളും അധ്യാപകരും ചേര്‍ന്ന് ഞാറുനട്ടത്.
സ്‌കൂള്‍ പ്രിന്‍സിപ്പല്‍ സിസ്റ്റര്‍ സ്റ്റെല, സീഡ് കോ-ഓര്‍ഡിനേറ്റര്‍ ഇ. സൗമ്യ എന്നിവര്‍ വിദ്യാര്‍ഥികള്‍ക്ക് പ്രോത്സാഹനവുമായെത്തിയിരുന്നു.
