ശ്രീകൃഷ്ണപുരം: ശതാബ്ദിയുടെ നിറവില്‍ ജന്മനക്ഷത്ര വൃക്ഷോദ്യാനമൊരുക്കുകയാണ് ശ്രീകൃഷ്ണപുരം എ.യു.പി.സ്‌കൂള്‍ വിദ്യാര്‍ഥികള്‍. സ്‌കൂളിലെ മാതൃഭൂമി സീഡ് ക്ലബ്ബിന്റെയും അടയ്ക്കാപ്പുത്തൂര്‍ സംസ്‌കൃതി പരിസ്ഥിതിക്കൂട്ടായ്മയുടെയും സഹകരണത്തോടെയാണ് പദ്ധതി നടപ്പാക്കുന്നത്.
വൃക്ഷോദ്യാനത്തിന്റെയും കുട്ടികള്‍ക്കുള്ള തൈ വിതരണത്തിന്റെയും ഉദ്ഘാടനം സാമൂഹ്യ വനവത്കരണവിഭാഗം മണ്ണാര്‍ക്കാട് റേഞ്ച് ഓഫീസര്‍ കെ.ഗോപിനാഥന്‍ ഉദ്ഘാടനംചെയ്തു. പി.ടി.എ. പ്രസിഡന്റ് കെ.കോയ അധ്യക്ഷനായി.
വിനയന്‍ കെ.പി.എ.സി., പ്രധാനാധ്യാപിക കെ.എം.സതീദേവി, സി.ജെ.മാത്യു, കെ.സി.വര്‍ഗീസ്, സുബ്രഹ്മണ്യന്‍, എം.ചന്ദ്രമോഹനന്‍, സി.ഹരിദാസന്‍, മുന്‍പഞ്ചായത്ത് പ്രസിഡന്റ് ടി.നീലകണ്ഠന്‍, ഹമീദ് എന്നിവര്‍ പ്രസംഗിച്ചു.
