സൈബര്‍ കുറ്റകൃത്യങ്ങള്‍ക്കെതിരെ സീഡ് പോലീസിന്റെ മാര്‍ഗരേഖ

ഒറ്റപ്പാലം: സൈബര്‍ കുറ്റകൃത്യങ്ങള്‍ക്കെതിരെ ബോധവത്കരണവുമായി സീഡ്‌പോലീസിന്റെ മാര്‍ഗരേഖ. കാട്ടുകുളം എ.കെ.എന്‍.എം.എം.എ. മെമ്മോറിയല്‍ ഹയര്‍സെക്കന്‍ഡറി സ്‌കൂളിലെ സീഡ് ക്ലബ്ബാണ് ലഘുലേഖ തയ്യാറാക്കി പി.ടി.എ. യോഗത്തില്‍ വിതരണംചെയ്തത്.പോലീസിന്റെയും ഹെല്‍പ്‌ലൈനിന്റെയും നമ്പറുകളും നല്‍കിയിട്ടുണ്ട്. പ്രധാനാധ്യാപിക എം.കാര്‍ത്യായനി, പി.ടി.എ.പ്രസിഡന്റ് എ. സ്വാമിനാഥന്‍ എന്നിവര്‍ പ്രസംഗിച്ചു. സീഡ് കോ-ഓര്‍ഡിനേറ്റര്‍ കെ. പ്രമോദ്, റോസ്മരിയ, പി.ബി.ഹരിത, വിവേക്, സുജിത് എന്നിവര്‍ നേതൃത്വംനല്‍കി.