ഒറ്റപ്പാലം: വര്‍ണമനോഹരമായി പാറിവരുന്ന പൂമ്പാറ്റകള്‍ക്ക് വിശേഷങ്ങളേറെയുണ്ട്. ശലഭങ്ങളുടെ പ്രത്യേകതകളുമായി വരോട് യു.പി.സ്‌കൂള്‍ സീഡ് ക്ലബ്ബ് ഒറ്റപ്പാലം ജനകീയ വായനശാലയൊരുക്കിയ 'ശലഭക്കാഴ്ചകള്‍' പ്രദര്‍ശനം ഏറെപ്പേരെ ആകര്‍ഷിച്ചു. ശലഭങ്ങളെ സംരക്ഷിക്കുകയെന്ന ലക്ഷ്യത്തോടെയാണ് ഒരാഴ്ചത്തെ പ്രദര്‍ശനമൊരുക്കിയത്. നഗരസഭാ ചെയര്‍പേഴ്‌സണ്‍ പി. പാറുക്കുട്ടി ഉദ്ഘാടനം നിര്‍വഹിച്ചു. പി. പരമേശ്വരന്‍ അധ്യക്ഷനായി. സീഡ് കോ-ഓര്‍ഡിനേറ്റര്‍ കെ.കൃഷ്ണരാജ്, കെ.എസ്. മുരളീകൃഷ്ണന്‍, അനില്‍കുമാര്‍, മിഥുന്‍ എന്നിവര്‍ പ്രസംഗിച്ചു. ഏഴിന് സമാപിക്കും.
