കൊല്ലം: അഞ്ചാലുംമൂട് സര്‍ക്കാര്‍ ഹയര്‍ സെക്കന്‍ഡറി സ്‌കൂളില്‍ സമഗ്ര പച്ചക്കറി കൃഷിത്തോട്ടം ഉദ്ഘാടനം ചെയ്തു. സീഡ്-ഇക്കോ ക്ലബിന്റെയും തൃക്കടവൂര്‍ ഗ്രാമപ്പഞ്ചായത്ത് കൃഷിഭവന്റെയും ആഭിമുഖ്യത്തില്‍ സമഗ്ര പച്ചക്കറി വികസന പദ്ധതിയുടെ ഭാഗമായാണ് പച്ചക്കറിത്തോട്ടം തയ്യാറാക്കിയത്.
തോട്ടത്തിന്റെ ഉദ്ഘാടനം തൃക്കടവൂര്‍ ഗ്രാമപ്പഞ്ചായത്ത് പ്രസിഡന്റ് പി.പ്രശാന്ത് നിര്‍വഹിച്ചു.
വാര്‍ഡ് മെമ്പര്‍ ശാന്തകുമാരി, പ്രഥമാധ്യാപകന്‍ കെ.പ്രസാദ്, പ്രിന്‍സിപ്പല്‍ എം.ഉഷ, കൃഷി ഓഫീസര്‍ രേണു സി.നായര്‍, കൃഷി അസിസ്റ്റന്റ് ബാലചന്ദ്രന്‍ പിള്ള, സീഡ് പരിസ്ഥിതി ക്ലബ്ബ് കോ-ഓര്‍ഡിനേറ്റര്‍ ബി.കൃഷ്ണകുമാര്‍, ജി.ബിജു, ഡി.സുജാതന്‍, സതീശന്‍ പിള്ള, പരിസ്ഥിതി ക്ലബിലെ അംഗങ്ങള്‍ എന്നിവര്‍ പങ്കെടുത്തു.
