കുടിവെള്ളം മുട്ടാതിരിക്കാന്‍ 'നീരറിവ് '

ഭൂഗോളത്തിലെ വെള്ളത്തില്‍ മൂന്നുശതമാനം മാത്രമെ ശുദ്ധജലമുള്ളൂ. വര്‍ഷംകഴിയുന്തോറും ജലഉപഭോഗം കൂടുമ്പോള്‍ നാട് വറ്റിവരളുകയാണ്. മരങ്ങളും കുന്നുകളും ഇല്ലാതാക്കി വെള്ളത്തെ മണ്ണിലിറങ്ങാന്‍ അനുവദിക്കാതെ മനുഷ്യര്‍ ജലസ്രോതസ്സുകളെയാകെ മാലിന്യപൂരിതമാക്കുകയാണ്. മൊഗ്രാല്‍ പുഴയില്‍ പാലത്തിനരികില്‍ ടണ്‍കണക്കിന് മാലിന്യമാണ് തള്ളുന്നത്. ഇതിനെതിരെ ഒരു നടപടിയും സ്വീകരിക്കാന്‍ ബന്ധപ്പെട്ടവര്‍ക്കാകുന്നില്ല- കുട്ടികളുടെ കൂട്ടായ്മ ചൂണ്ടിക്കാട്ടി. കുട്ടികള്‍ ജലസംരക്ഷണ പ്രതിജ്ഞയെടുത്തു. പരിസ്ഥിതിപ്രവര്‍ത്തകന്‍ ആനന്ദ് പേക്കടം ക്ലാസെടുത്തു. എം.സുരേന്ദ്രന്‍, പി.വേണുഗോപാലന്‍, സി.ശ്രീജ എന്നിവര്‍ സംസാരിച്ചു.