പരപ്പ: ജൈവവൈവിധ്യം നിറഞ്ഞ മാടായിപ്പാറ പരപ്പ ഗവ. യു.പി. സീഡ് അംഗങ്ങള്‍ സന്ദര്‍ശിച്ചു. പ്രദേശത്തിന്റെ ചരിത്രം, ജൈവവൈവിധ്യം, ഭൂ പ്രകൃതി, ശലഭോദ്യാനം എന്നിവ നേരില്‍ക്കണ്ട് മനസ്സിലാക്കുക, പാരിസ്ഥിതികപ്രശ്‌നങ്ങളും പരിഹാരമാര്‍ഗങ്ങളും തിരിച്ചറിയുക തുടങ്ങിയവയായിരുന്നു യാത്രയുടെ ഉദ്ദേശ്യം. സീഡ് പ്രവര്‍ത്തകരായ 57 കുട്ടികളും എട്ട് അധ്യാപകരും സംഘത്തിലുണ്ടായിരുന്നു. സീക്ക് ഡയറക്ടര്‍ ടി.പി.പദ്മനാഭന്‍ പരിസ്ഥിതിസന്ദേശം നല്‍കി. ഏഴോം ഗവ. യു.പി.സ്‌കൂള്‍ അധ്യാപകന്‍ കുഞ്ഞിക്കൃഷ്ണന്‍ ക്ലാസെടുത്തു. ഹെഡ്മാസ്റ്റര്‍ ടോമി ജോസഫ്, സീഡ് കോ ഓര്‍ഡിനേറ്റര്‍ ഷാജി തോമസ്, ടി.എച്ച്.മുസ്തഫ, ഷിജി കെ.ജോസഫ് എന്നിവര്‍ നേതൃത്വം നല്‍കി.
_783.jpg)
