എഴുകോണ്‍: ലവ് പ്ലാസ്റ്റിക് പരിപാടിയുടെ സന്ദേശം വീടുകളിലെത്തിക്കാന്‍ മാതൃഭൂമി സീഡിന്റെ കര്‍മ്മപദ്ധതി.
ചൊവ്വള്ളൂര്‍ സെന്റ് ജോര്‍ജ്ജ് വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ സീഡ് യൂണിറ്റാണ് ലവ് പ്ലാസ്റ്റിക് പദ്ധതിയെ സേവനപക്ഷാചരണത്തിന്റെ ഭാഗമാക്കി ഭവനസന്ദര്‍ശനം നടത്തിയത്.വീടുകളിലെത്തി പ്ലസ്റ്റിക് മാലിന്യങ്ങള്‍ ശേഖരിച്ച സീഡ് വളണ്ടിയര്‍മാര്‍ മാലിന്യശേഖരണത്തിന് ആവശ്യമായ സാമഗ്രികളും കൈമാറി.ആവേശകരമായ പ്രതികരണമാണ് നാട്ടുകാരില്‍നിന്ന് സീഡ് യൂണിറ്റിന് ലഭിച്ചത്.
സീഡ് കോ-ഓര്‍ഡിനേറ്റര്‍ പി.സുരേഷ്‌കുമാര്‍, പി.ടി.എ. പ്രസിഡന്റ് ജി.തുളസീധരന്‍ പിള്ള, സജിമോന്‍ പി. തുടങ്ങിയവര്‍ നേതൃത്വം നല്‍കി.
