ചവറ: പന്മന ചിറ്റൂര്‍ സര്‍ക്കാര്‍ യു.പി.സ്‌കൂളില്‍ സീഡിന്റെ നേതൃത്വത്തില്‍ ബോധവത്കരണ റാലി നടത്തി. പരിസ്ഥിതിയെ സംരക്ഷിക്കുക, സഹജീവിസ്‌നേഹം വളര്‍ത്തുക, സമൂഹനന്മ കുട്ടികളിലൂടെ, ജലസംരക്ഷണത്തിന്റെ പ്രാധാന്യം സമൂഹത്തിന് മനസിലാക്കിക്കൊടുക്കുക എന്നിവയായിരുന്നു റാലിയുടെ ലക്ഷ്യം.
നിരവധി വിദ്യാര്‍ഥികള്‍ റാലിയില്‍ പങ്കെടുത്തു. സ്‌കൂള്‍ സീഡ് കോ-ഓര്‍ഡിനേറ്റര്‍ സിത്താര, അധ്യാപകരായ സിമി, ഫ്രാന്‍സിസ് കുരീപ്പുഴ എന്നിവര്‍ നേതൃത്വം കൊടുത്തു. റാലി ഇടപ്പള്ളിക്കോട്ട വഴി സ്‌കൂളിലെത്തി. തുടര്‍ന്ന് പരിസ്ഥിതി സംരക്ഷണത്തിന്റെ പ്രാധാന്യത്തെപ്പറ്റി സീഡ് ജില്ലാ എക്‌സിക്യൂട്ടീവ് ഷെഫീഖ് ക്ലാസെടുത്തു. ബോധവത്കരണ ക്ലാസ്സില്‍ മികച്ച പ്രകടനം കാഴ്ചവച്ച വിദ്യാര്‍ഥിക്ക് അധ്യാപിക സിത്താര മാതൃഭൂമി സീഡിന്റെ കൈപ്പുസ്തകം സമ്മാനിച്ചു.
