ലവ് പ്ലാസ്റ്റിക് പദ്ധതി തുടങ്ങി

 പൂതക്കുളം:ഗവ. ഹയര്‍ സെക്കന്‍ഡറി സ്‌കൂളില്‍ മാതൃഭൂമി സീഡ് ക്ലബിന്റെ നേതൃത്വത്തില്‍ ആരംഭിച്ച ലവ് പ്ലാസ്റ്റിക് പദ്ധതിയുടെ ഉദ്ഘാടനം പൂതക്കുളം പഞ്ചായത്ത് മുന്‍ പ്രസിഡന്റും പഞ്ചായത്ത് അംഗവുമായ കെ.എന്‍.ശ്രീദേവി അമ്മ നിര്‍വഹിച്ചു.
സ്‌കൂള്‍ പി.ടി.എ. പ്രസിഡന്റ് ബി.ഗിരീഷ്‌കുമാറിന്റെ അധ്യക്ഷതയില്‍ ലവ് പ്ലാസ്റ്റിക് പദ്ധതിയെക്കുറിച്ച് മാതൃഭൂമി ലേഖകന്‍ പരവൂര്‍ ഉണ്ണി വിശദീകരിച്ചു.
ഉപ പ്രഥമാധ്യാപകന്‍ എസ്.ഷാജി സ്വാഗതവും സീഡ് ക്ലബ് കോ-ഓര്‍ഡിനേറ്ററും അധ്യാപകനുമായ സമീര്‍ഖാന്‍ നന്ദിയും പറഞ്ഞു.