കൊട്ടാരക്കര :കടലാവിള കാര്‍മല്‍ സീനിയര്‍ സെക്കന്‍ഡറി സ്‌കൂള്‍ കാര്‍മല്‍ ഹരിതാ സീഡ് ക്ലബിന്റെയും വീഹെല്‍പ്പ് ക്ലബിന്റെയും നേതൃത്വത്തില്‍ ഗാന്ധിജയന്തി ആഘോഷിച്ചു. പ്രിന്‍സിപ്പല്‍ ബീന സി.എ. രാഷ്ട്രപിതാവിന്റെ ചിത്രത്തില്‍ ഹാരാര്‍പ്പണം നടത്തി. സ്‌കൂളിലെ മുഴുവന്‍ വിദ്യാര്‍ത്ഥികളും അധ്യാപകരും മഹാത്മജിയുടെ ചിത്രത്തില്‍ പുഷ്പാര്‍ച്ചന നടത്തി. തുടര്‍ന്ന് ഗാന്ധിജി എന്ന വിഷയത്തില്‍ പ്രസംഗമത്സരവും ക്വിസ് മത്സരവും നടന്നു. സീഡ് റിപ്പോര്‍ട്ടര്‍ ശ്രേയ എസ്.കൃഷ്ണ മഹാത്മാഗാന്ധിയുടെ എന്റെ സത്യാന്വേഷണ പരീക്ഷണങ്ങള്‍ എന്ന ആത്മകഥയിലെ ഒരു ഭാഗം എല്ലാവര്‍ക്കും വേണ്ടി വായിച്ചു. കുട്ടികളും അധ്യാപകരും ചേര്‍ന്ന് സ്‌കൂള്‍ പരിസരം വൃത്തിയാക്കി. സീഡ് കോ-ഓര്‍ഡിനേറ്റര്‍ ശാലിനി ആര്‍. വീ ഹെല്‍പ്പ് ക്ലബ് കോ-ഓര്‍ഡിനേറ്റര്‍ മോളിക്കുട്ടി. അധ്യാപകരായ ജയശ്രീ എം.എല്‍, സിന്ധു ആര്‍, അനൂപ് ജെ.ഫെര്‍ണാണ്ടസ്, സുരേഷ് എസ്. എന്നിവര്‍ നേതൃത്വം നല്‍കി.
സേവനദിനമായി ആചരിച്ചു
