കൊടുമണ്‍:തട്ടയില്‍ എന്‍.എസ്.എസ്. ഹയര്‍ സെക്കന്‍ഡറി സ്‌കൂളിലെ സീഡ് ക്ലബ്ബിന്റെ നേതൃത്വത്തില്‍ സ്‌നേഹക്കൂട്ട് പദ്ധതിക്ക് തുടക്കമായി. ഗ്രാമത്തില്‍ മുഴുവന്‍ നേത്രദാന, അവയവദാന സാക്ഷരത കൈവരിക്കുന്ന പദ്ധതിയാണ് സ്‌നേഹക്കൂട്ട്.
എന്‍.സി.സി., സ്‌കൗട്ട്‌സ് ആന്‍ഡ് ഗൈഡ്‌സ്, റെഡ്‌ക്രോസ്, സയന്‍സ് ക്ലബ്ബ്, ഗ്രാമപ്പഞ്ചായത്ത്, കുടുംബശ്രീ, മറ്റ് സാമൂഹികസന്നദ്ധസംഘടനകള്‍ എന്നിവ ചേര്‍ന്നാണ് പദ്ധതി നടപ്പാക്കുക.
ജില്ലാ ഡെപ്യൂട്ടി ഡി.എം.ഒ. ഡോ. അനിതകുമാരി ടി, പി.ടി.എ. പ്രസിഡന്റ് എ.കെ. വിജയന്‍, വൈസ് പ്രസിഡന്റ് തട്ടയില്‍ പ്രസാദ്കുമാര്‍ എന്നിവര്‍ ചേര്‍ന്ന് പദ്ധതിയുടെ ഉദ്ഘാടനം നിര്‍വ്വഹിച്ചു. സീഡ് കോ- ഓര്‍ഡിനേറ്റര്‍ വി.എ.ബിജുകുമാര്‍, പ്രിന്‍സിപ്പല്‍ പത്മജാദേവി, ഹെഡ്മിസ്ട്രസ് രാധാമണിയമ്മ, സുമ കെ. നായര്‍, ഗംഗ എന്നിവര്‍ പ്രസംഗിച്ചു.
