രാജകുമാരി:സീഡ് ക്ലബ്ബിലെ വിദ്യാര്‍ഥികള്‍ രാജകുമാരി ഹോളിക്വീന്‍സ് യു.പി.സ്‌കൂള്‍ മുറ്റത്ത് പച്ചക്കറിത്തോട്ടം നിര്‍മ്മിച്ചു. അത്യുല്പാദന ശേഷിയുള്ള നൂറില്‍പരം പച്ചക്കറിയിനങ്ങളാണ് കുട്ടികള്‍ ഇത്തവണ കൃഷി ചെയ്തത്. സ്‌കൂളില്‍ ഉല്പാദിപ്പിക്കുന്ന പച്ചക്കറികള്‍ കുട്ടികളുടെ ആവശ്യത്തിന് എടുത്തശേഷം ബാക്കി വില്ക്കാനാണ് തീരുമാനം. ജൈവരീതിയിലാണ് പച്ചക്കറികളുടെ പരിപാലനം. ഹെഡ്മിസ്ട്രസ് സിസ്റ്റര്‍ മോളിക്കുട്ടി തോമസ്, സീഡ് കോ- ഓര്‍ഡിനേറ്റര്‍ എം.പി. ജോയി എന്നിവരുടെ മാര്‍ഗ്ഗനിര്‍ദ്ദേശത്തിലാണ് സ്‌കൂള്‍മുറ്റത്തെ പച്ചക്കറിത്തോട്ടം.
