കാര്‍ത്തികപ്പള്ളി പുഴയുടെ മലിനീകരണത്തിനെതിരെ സീഡ്ക്ലബ് അംഗങ്ങള്‍

മുതുകുളം: കാര്‍ത്തികപ്പള്ളി പുഴയുടെ മലിനീകരണത്തിനെതിരെ ബോധവത്ക്കരണവുമായി കാര്‍ത്തികപ്പള്ളി ഗവ.യു.പി.സ്കൂള്‍ സീഡ് ക്ലബ്ബ് അംഗങ്ങള്‍ ഗാന്ധിവാരാഘോഷത്തിന്റെ ഭാഗമായാണ് സീഡ് ക്ലബ് ഹരിതസേന മാനവരാശിയുടെ നിലനില്‍പിന് പുഴ സംരക്ഷിക്കേണ്ട ആവശ്യകതയെകുറിച്ച് പറഞ്ഞു മാനസിലാക്കാന്‍ പൊതുജന മധ്യത്തിലെത്തിയത്. ഓട്ടോ- ടാക്‌സിസ്റ്റാന്‍ഡ്, പൊതുസ്ഥാപനങ്ങള്‍, കടകള്‍ തുടങ്ങിയ സ്ഥലങ്ങളിലെല്ലാമെത്തി വിദ്യാര്‍ഥികള്‍ ലഘുരേഖ കൈമാറി.

പ്രധാനാധ്യാപിക സി.എ.സുഷമകുമാരിയുടെ നിര്‍ദേശ പ്രകാരമായിരുന്നു ബോധവത്കരണപരിപാടി. എസ്.എം.സി.ചെയര്‍മാന്‍ സുനില്‍സിങ് ചൗധരി, സീഡ് കോ-ഓര്‍ഡിനേറ്റര്‍, എ.രമേശ്, അധ്യാപകരായ, എ.നസീന, എസ്.ഹംലത്ത്, എം.ആമിന, പി.ഷൈലജ, എസ്.മറിയാമ്മ, കെ.ശോഭന, എ.റഷീദ് എന്നിവര്‍ നേതൃത്വം നല്‍കി.