തളിപ്പറമ്പ്: കെ.കെ.എന്‍.പരിയാരം മെമ്മോറിയല്‍ ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ മാതൃഭൂമി സീഡംഗങ്ങള്‍ കൃഷിവകുപ്പുമായി സഹകരിച്ച് പച്ചക്കറിവിത്ത് വിതരണവും ബോധവത്കരണക്ലാസും നടത്തി. പരിയാരം ഗ്രാമപ്പഞ്ചായത്തംഗം എ.സുജാത ഉദ്ഘാടനംചെയ്തു. പ്രഥമാധ്യാപകന്‍ മാധവന്‍ നമ്പൂതിരി അധ്യക്ഷതവഹിച്ചു.പച്ചക്കറിവിത്തിന്റെ വിതരണോദ്ഘാടനം സീഡ് അംഗം അഭിഷേകിന് നല്‍കി കേശവതീരം ട്രസ്റ്റി വിഷ്ണുനമ്പൂതിരി നിര്‍വഹിച്ചു. എ.ലക്ഷ്മണന്‍, പി.സുരേഷ്, വി.വി.രാജന്‍, ഇബ്രാഹിം, ഫിലോ ജസീന്ത, മനോജ് എന്നിവര്‍ പ്രസംഗിച്ചു. നഫ്‌സീറ റിപ്പോര്‍ട്ട് അവതരിപ്പിച്ചു. പരിയാരം പഞ്ചായത്ത് കൃഷി ഓഫീസര്‍ വിനോദ്കുമാര്‍ ക്ലാസെടുത്തു. സീഡ് കോ ഓര്‍ഡിനേറ്റര്‍ എം.അബ്ദുള്‍റഷീദ് സ്വാഗതവും സൂര്യ സുരേന്ദ്രന്‍ നന്ദിയും പറഞ്ഞു.
