ചാരുംമൂട്: ചുനക്കര ഗവണ്‍മെന്റ് വി.എച്ച്.എസ്.എസ്സിലെ "മാതൃഭൂമി' സീഡ് ക്ലബ്ബ് ലോക വയോജനദിനം ആചരിച്ചു. പി.ടി.എ. പ്രസിഡന്റ് ജി.വിശ്വനാഥന്‍ നായരുടെ അധ്യക്ഷതയില്‍ ബ്ലോക്ക് പഞ്ചായത്ത് പ്രസിഡന്റ് എ. മണിയമ്മ ഉദ്ഘാടനം ചെയ്തു. 28 വര്‍ഷമായി സ്കൂളില്‍ ഉച്ചഭക്ഷണം തയ്യാറാക്കുന്ന എഴുപതുകാരി രാധമ്മയെ പൊന്നാടയണിയിച്ച് ആദരിച്ചു. പ്രിന്‍സിപ്പല്‍മാരായ അന്നമ്മ ജോര്‍ജ്, വി.ആര്‍.മോഹനചന്ദ്രന്‍ നായര്‍, ഹെഡ്മിസ്ട്രസ് കെ.ഷീലാമണി, സീഡ് കോ-ഓര്‍ഡിനേറ്റര്‍ ജെ.ജഫീഷ്, അഥീല, ബിന്‍സി ബഷീര്‍ എന്നിവര്‍ പ്രസംഗിച്ചു. അനാഥരായ വയോധികര്‍ക്കായി ഭക്ഷണം നല്‍കുന്ന "അന്നപൂര്‍ണേശ്വരി' പദ്ധതി ശ്രീസത്യസായി സേവാസമിതിയുമായി യോജിച്ച് സീഡ് ക്ലബ്ബ് നടപ്പാക്കുമെന്ന് കോ-ഓര്‍ഡിനേറ്റര്‍ ജെ.ജഫീഷ് പറഞ്ഞു.
