സീഡ് പ്രവര്‍ത്തകര്‍ വയോധികരെ ആദരിച്ചു

കുന്നംകുളം:മരത്തംകോട് ഗവ. ഹയര്‍ സെക്കന്‍ഡറി സ്‌കൂളില്‍ മാതൃഭൂമി സീഡിന്റെ നേതൃത്വത്തില്‍ വയോജനദിനം ആചരിച്ചു. കടങ്ങോട് പഞ്ചായത്ത് സീനിയര്‍ സിറ്റിസണ്‍ ക്ലബ്ബ് പ്രസിഡന്റ് കൈപ്പുള്ളി ഭാസ്‌കരന്‍ ഉദ്ഘാടനം ചെയ്തു. പി.ടി.എ. പ്രസിഡന്റ് ലിബിനി പാസ്റ്റര്‍ അധ്യക്ഷയായി. കടങ്ങോട് പഞ്ചായത്ത് അംഗം കെ.കെ. മണി മുതിര്‍ന്ന പൗരന്മാരെ ആദരിച്ചു. മാതൃഭൂമി സീഡ് കണ്‍വീനര്‍മാരായ കെ. വിജയന്‍, അബ്ദുള്‍ ഖാദര്‍, കെ.എസ്. അരുണ്‍, എം.എസ്. സിറാജ്, പ്രധാനാധ്യാപിക കെ. ആലിസ് എന്നിവര്‍ സംസാരിച്ചു.