ചാരുംമൂട്: ചുനക്കര ഗവണ്മെന്റ് വി.എച്ച്.എസ്.എസ്സി ലെ "മാതൃഭൂമി' സീഡ് ക്ലബ്ബ് ലോക നാളികേരദിനം ആചരിച്ചു. ദിനാചരണത്തിന്റെ ഭാഗമായി സ്കൂള്‍ പരിസരത്ത് തെങ്ങിന്‍തൈകള്‍ നട്ടു.
ചുനക്കര കൃഷിഭവനുമായി ചേര്‍ന്ന് അമ്പത് പരിസ്ഥിതി ക്ലബ്ബ് അംഗങ്ങള്‍ക്ക് അത്യുത്പാദനശേഷിയുള്ള തെങ്ങിന്‍തൈകള്‍ വിതരണം ചെയ്തു. ഗ്രാമപ്പഞ്ചായത്ത് പ്രസിഡന്റ് ബി. ബിനു വിതരണോദ്ഘാടനം നിര്‍വഹിച്ചു. വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ പി. മധു, പി.ടി.എ. പ്രസിഡന്റ് ജി. വിശ്വനാഥന്‍ നായര്‍, പ്രിന്‍സിപ്പല്‍മാരായ അന്നമ്മ ജോര്‍ജ്, വി.ആര്‍. മോഹനചന്ദ്രന്‍, ഹെഡ്മിസ്ട്രസ് കെ. ഷീലാമണി, സീഡ് കോ-ഓര്‍ഡിനേറ്റര്‍ ജെ. ജഫീഷ്, അഥീല, ബിന്‍സി എന്നിവര്‍ പ്രസംഗിച്ചു.
"തെങ്ങുകൃഷി പരിചരണം' എന്ന വിഷയത്തില്‍ കൃഷി ഓഫീസര്‍ എ.എസ്. സംഗീത ക്ലാസ് നയിച്ചു.
