പിലാത്തറ: കാക്കപ്പൂക്കളും പാറി നടക്കുന്ന പൂമ്പാറ്റകളും കരിമ്പാറയും പാറമുള്ളും നിറഞ്ഞ മാടായിപ്പാറയില്‍ വിദ്യാര്‍ഥികള്‍ പ്രകൃതിപഠനവുമായെത്തി. പുറച്ചേരി ഗവ. യു.പി.സ്‌കൂള്‍ സീഡ് പരിസ്ഥിതിക്ലബാണ് നീലവസന്തംനിറഞ്ഞ മാടായിപ്പാറയിലൂടെ പ്രകൃതിയുമായി ഇണങ്ങാന്‍ വിദ്യാര്‍ഥികള്‍ക്ക് അവസരമൊരുക്കിയത്. മാടായിക്കാവിനടുത്ത അരയാല്‍ത്തറയില്‍ ഒരുക്കിയ പ്രകൃതിയാസ്വാദനത്തില്‍ ആനന്ദം പേക്കടം ക്ലാസെടുത്തു. പ്രഥമാധ്യാപകന്‍ ഇ.പി.മനോഹരന്‍, പി.രമേശന്‍, വി.വി.സുരേഷ്, പി.ജി.മുരളീധരന്‍, ഇ.വി.സുനിത, ടി.എം.ശൈലജ എന്നിവര്‍ നേതൃത്വം നല്‍കി.
