ആലക്കോട്: പഠനത്തോടൊപ്പം സ്‌കൂളിലും, വീട്ടിലും പച്ചക്കറിത്തോട്ടം നിര്‍മിക്കുകയും പരിപാലിക്കുകയും പരിസ്ഥിതിസംരക്ഷണ പ്രവര്‍ത്തനങ്ങള്‍ക്ക് നേതൃത്വംവഹിക്കുകയും ചെയ്യുന്ന പരപ്പ ഗവ. യു.പി. സ്‌കൂളിലെ സീഡ് പ്രവര്‍ത്തകന്‍ ഏഴാംക്ലാസ് വിദ്യാര്‍ഥി അലന്‍ ജോര്‍ജിനെ സാംസ്‌കാരികമന്ത്രി കെ.സി.ജോസഫ് പൊന്നാടയണിയിച്ച് ആദരിച്ച് പുരസ്‌കാരം നല്‍കി. ആലക്കോട് കമ്യൂണിറ്റി ഹാളില്‍ നടന്ന ചടങ്ങില്‍ പഞ്ചായത്ത് പ്രസിഡന്റ് ജോസ് വട്ടമല അധ്യക്ഷത വഹിച്ചു. വീടിനു സമീപം അലന്‍ നിര്‍മിച്ച പച്ചക്കറിത്തോട്ടം സവിശേഷശ്രദ്ധ പിടിച്ചുപറ്റിയിരുന്നു. പ്രഥമാധ്യാപകന്‍ ടോമി ജോസഫ്, സീഡ് കോ ഓര്‍ഡിനേറ്റര്‍ ഷാജി തോമസ്, സീഡ് കണ്‍വീനര്‍ അന്‍വര്‍ പി.എസ്, മുസ്തഫ ടി.എച്ച്. എന്നിവരുട നേതൃത്വത്തില്‍ വൈവിധ്യമാര്‍ന്ന പ്രവര്‍ത്തനങ്ങളാണ് സീഡംഗങ്ങള്‍ നടത്തിവരുന്നത്.
