അശരണര്‍ക്ക് ഓണസദ്യ നല്‍കാന്‍ സ്‌കൂള്‍കുട്ടികള്‍

റാന്നി: വയലത്തല ഗവ. വൃദ്ധസദനത്തിലെ അന്തേവാസികള്‍ക്ക് ഓണസദ്യയൊരുക്കാന്‍ യു.പി. വിദ്യാര്‍ഥികളുടെ സംഭാവന. പുതുശ്ശേരിമല ഗവ. യു.പി. സ്‌കൂള്‍ വിദ്യാര്‍ഥികളാണ് അശരണര്‍ക്കായി തുക സ്വരൂപിച്ചത്.

തുക വൃദ്ധസദനം അധികൃതര്‍ക്ക് കൈമാറി. അന്തേവാസികള്‍ക്കൊപ്പം സദ്യയുണ്ണാന്‍ ഏതാനും അധ്യാപകരും വിദ്യാര്‍ഥികളും തിരുവോണദിവസം വൃദ്ധസദനത്തിലെത്തും.