ഹരിപ്പാട്: ഗവ. യു.പി.എസ്സിലെ ഓണാഘോഷ പരിപാടികള്‍ എ.ഇ.ഒ. കെ. ചന്ദ്രമതി ഉദ്ഘാടനം ചെയ്തു. ഹെഡ്മിസ്ട്രസ് ഇ. വിജയമ്മ, സീഡ് കോ ഓര്‍ഡിനേറ്റര്‍ പി. അനിയന്‍ എന്നിവര്‍ നേതൃത്വം നല്കി. ഘോഷയാത്ര, അത്തപ്പൂക്കളം, പുലികളി, ഓണസദ്യ എന്നിവയെല്ലാം ഒരുക്കിയിരുന്നു.
കാര്‍ത്തികപ്പള്ളി: ഗവ. യു.പി. സ്കൂളിലെ കുട്ടികള്‍ ചേപ്പാട് മാര്‍ ദിവന്ന്യാസ്യോസ് ഫൗണ്ടേഷന്‍ വൃദ്ധമന്ദിരത്തിലെ അന്തേവാസികള്‍ക്കൊപ്പമാണ് ഓണം ആഘോഷിച്ചത്. അന്തേവാസികള്‍ക്ക് ഓണക്കോടി സമ്മാനിച്ച കുട്ടികള്‍ അവര്‍ക്കൊപ്പം സദ്യയുണ്ടു.
ഹെഡ്മിസ്ട്രസ് സി.എ. സുഷമകുമാരി, ഗ്രാമപ്പഞ്ചായത്ത് അംഗം സുധാകരന്‍ ചിങ്ങോലി, സീനിയര്‍ അസിസ്റ്റന്റ് എ. നസീറ, എസ്.എം.സി. ചെയര്‍മാന്‍ സുനില്‍സിങ് ചൗധരി, വൈസ് ചെയര്‍മാന്‍ മംഗളാനന്ദന്‍, സുകുമാരി, ആമിന, റഷീദ്, കെ. ശോഭന, പി. ഷൈലജ, എസ്. ഹംലത്ത്, എസ്. മറിയാമ്മ, ആര്‍. രമേശ് എന്നിവര്‍ പങ്കെടുത്തു.
ആയാപറമ്പ് ഗവ. ഹയര്‍സെക്കന്‍ഡറി സ്കൂളിലെ ഓണാഘോഷത്തിന് അമ്പലപ്പുഴ പാല്‍പ്പായസം വിളമ്പി. പ്രിന്‍സിപ്പല്‍ സാവിത്രിദേവി, ഹെഡ്മാസ്റ്റര്‍ സി.കെ. വാസു, പി.ടി.എ. പ്രസിഡന്റ് രാജശേഖരന്‍, സ്കൂള്‍ ചെയര്‍മാന്‍ എസ്. രാഗേഷ്, എ. അമല്‍ എന്നിവര്‍ പ്രസംഗിച്ചു.
അധ്യാപകരായ കെ. അജയകുമാര്‍, ആര്‍.ഉണ്ണിക്കൃഷ്ണന്‍, എം.എസ്. വിനോദ്, ആര്‍. നാരായണന്‍, ആര്‍. രാജീവ്, കെ. അനിരുദ്ധന്‍, മുരളീധരന്‍ പിള്ള, ജി. രാജേഷ് എന്നിവര്‍ നേതൃത്വം നല്കി.
കായംകുളം: എന്‍.ആര്‍.പി.എം. ഹയര്‍സെക്കന്‍ഡറി സ്കൂളില്‍ ഓണാഘോഷം നടത്തി.
ഹെഡ്മിസ്ട്രസ് ടി.മായ ഉദ്ഘാടനം ചെയ്തു. സുരേന്ദ്രന്‍, എന്‍.വിജയചന്ദ്രനുണ്ണിത്താന്‍ എന്നിവര്‍ പ്രസംഗിച്ചു. അത്തപ്പൂക്കള മത്സരം, വടംവലി, പുലികളി, പായസ വിതരണം എന്നിവ നടന്നു.
