|
||||||
ലഹരിവിരുദ്ധ സന്ദേശവുമായി വിദ്യാര്‍ഥികള്‍
Posted By : knradmin On 10th September 2013
പയ്യന്നൂര്‍:ലഹരിവിമുക്തഗ്രാമം തങ്ങളുടെ സ്വപ്നം എന്ന മുദ്രാവാക്യവുമായി എട്ടിക്കുളം മുഹമ്മദ് അബ്ദുറഹിമാന്‍ സാഹിബ് സ്മാരക ഗവ. ഹയര്‍സെക്കന്‍ഡറി സ്‌കൂള്‍ സീഡ് വിദ്യാര്‍ഥികളാണ് ലഹരിവിരുദ്ധ സന്ദേശവുമായി ജനങ്ങള്‍ക്കിടയിലേക്ക് ഇറങ്ങിയത്. എട്ടിക്കുളം ടൗണില്‍ തയ്യാറാക്കിയ ബാനറില്‍ വിദ്യാര്‍ഥികള്‍ ലഹരി വിരുദ്ധ സന്ദേശങ്ങള്‍ രേഖപ്പെടുത്തി.
പുകയില, മദ്യം, കഞ്ചാവ്, പാന്‍പരാഗ് തുടങ്ങിയ ലഹരി വസ്തുക്കളോടുള്ള തങ്ങളുടെ എതിര്‍പ്പ് കുട്ടികള്‍ വാക്യങ്ങളായി എഴുതിച്ചേര്‍ത്തു. ലഹരിവിരുദ്ധ പ്രതിജ്ഞയും എടുത്തു. ലഹരിവിരുദ്ധ സന്ദേശവുമായി ബന്ധപ്പെട്ട ലഘുലേഖകള്‍ ടൗണിലെ കടകളിലും നാട്ടുകാര്‍ക്കിടയിലും വിതരണം ചെയ്തു.
പരിപാടി പി.ടി.എ. പ്രസിഡന്റ് ബി.പി.ഗംഗാധരന്‍ ഉദ്ഘാടനം ചെയ്തു. സ്‌കൂളിലെ അധ്യാപകനും ചിത്രകാരനുമായ സുരേഷ് അന്നൂര്‍, രാജന്‍ പി.വി., അനസ് എ., മഞ്ജു എം., സുശീല എം., സീമ ജയരാജന്‍ എന്നിവര്‍ നേതൃത്വം നല്‍കി.
Login
Important links
 |  |
Social Network
