ഔഷധത്തോട്ടം തുടങ്ങി

 മയ്യഴി: ഈസ്റ്റ് പള്ളൂര്‍ അവറോത്ത് ഗവ. മിഡില്‍ സ്‌കൂള്‍ സീഡ് ക്ലബ് 'ഹരിതദേശം' പദ്ധതിയുടെ ഭാഗമായി ഔഷധത്തോട്ടം ഒരുക്കി. ഔഷധ സസ്യങ്ങളുടെ പ്രദര്‍ശനവും പരിചയപ്പെടുത്തല്‍ ക്ലാസും സംഘടിപ്പിച്ചു. വിദ്യാര്‍ഥികളില്‍നിന്നും സമീപത്തെ വീടുകളില്‍ നിന്നും ശേഖരിച്ച വ്യത്യസ്ഥമായ 60 ഓളം ഔഷധസസ്യങ്ങളാണ് പ്രദര്‍ശിപ്പിച്ചത്. സസ്യങ്ങളുടെ നാടന്‍പേരുകളും ശാസ്ത്രനാമവും ഉപയോഗവും വിശദീകരിച്ചു. ചട്ടികളില്‍ 'കല്ലുരുക്കി' നട്ട് കര്‍ഷകനും മുന്‍ നഗരസഭാ ചെയര്‍മാനുമായ രമേശ് പറമ്പത്ത് ഔഷധത്തോട്ടം ഉദ്ഘാടനം ചെയ്തു.