ലവ് പ്ലാസ്റ്റിക് വാഹനപ്രയാണം ഇന്ന് തുടങ്ങും

 

കണ്ണൂര്‍: മാതൃഭൂമി സീഡിന്റെ മാലിന്യസംസ്‌കരണത്തിനുള്ള ലവ് പ്ലാസ്റ്റിക് പദ്ധതിയുടെ ഭാഗമായി പ്ലാസ്റ്റിക് മാലിന്യ ശേഖരണവാഹനത്തിന്റെ കണ്ണൂര്‍-കാസര്‍കോട് ജില്ലാതല പ്രയാണം തിങ്കളാഴ്ച തുടങ്ങും.

 കണ്ണൂര്‍ ജില്ലയിലെ പ്ലാസ്റ്റിക് ശേഖരണയാത്ര പാപ്പിനിശ്ശേരി ഇ.എം.എസ്. സ്മാരക ഹയര്‍ സെക്കന്‍ഡറി സ്‌കൂളില്‍ തിങ്കളാഴ്ച രാവിലെ 11.45ന് കണ്ണൂര്‍ മേഖലാ ഐ.ജി. സുരേഷ് രാജ് പുരോഹിത് ഉദ്ഘാടനം ചെയ്യും. കാസര്‍കോട് ജില്ലയിലെ പര്യടനം ഉദ്ഘാടനം ഉച്ചയ്ക്ക് രണ്ടുമണിക്ക് പിലിക്കോട് സി.കെ.എന്‍.എം. ഹയര്‍ സെക്കന്‍ഡറി സ്‌കൂളില്‍ കെ.കുഞ്ഞിരാമന്‍ എം.എല്‍.എ. നിര്‍വഹിക്കും.