പന്തളം:അധ്യാപകദിനാചരണത്തിന്റെ ഭാഗമായി തട്ടയില്‍ എസ്.കെ.വി. യു.പി.സ്‌കൂളിലെ സീഡ്പ്രവര്‍ത്തകര്‍ വിരമിച്ച അധ്യാപകരെ ആദരിച്ചു. ജില്ലാപഞ്ചായത്തംഗം എ.ഗിരിജാകുമാരി ഉദ്ഘാടനം ചെയ്തു. വിരമിച്ച അധ്യാപകരായ എം.കെ.രാമകൃഷ്ണന്‍ നായര്‍, ടി.എന്‍.രാമചന്ദ്രക്കുറുപ്പ്, സി.സരോജനിയമ്മ, ആര്‍.മോഹന്‍കുമാര്‍, ടി.കെ.രാധാമണിയമ്മ എന്നിവരെ ആദരിച്ചു. സ്‌കൂള്‍ മാനേജര്‍ ബി.നരേന്ദ്രനാഥ് അധ്യക്ഷത വഹിച്ചു.എന്‍.എസ്.എസ്. പ്രതിനിധിസഭാംഗം എ.കെ.വിജയന്‍ മുഖ്യപ്രഭാഷണം നടത്തി. പഞ്ചായത്തംഗങ്ങളായ ജേക്കബ് ജോര്‍ജ്ജ്, ജയാദേവി, കെ.എന്‍.മനോജ്, പി.ടി.എ .വൈസ് പ്രസിഡന്റ് ടി.കെ.അനന്തകൃഷ്ണന്‍, സെന്‍ട്രല്‍ കമ്മിറ്റിയംഗം നാരായണപിള്ള, വി.കെ.പ്രകാശ്, സുധാദേവി,ദീപ പി.പിള്ള, രമ്യാകൃഷ്ണന്‍ എന്നിവര്‍ പ്രസംഗിച്ചു. പ്രഥമാധ്യാപിക ആര്‍.അനിതാകുമാരി സ്വാഗതവും സീഡ്‌കോ-ഓര്‍ഡിനേറ്റര്‍ വി.സന്തോഷ്‌കുമാര്‍ നന്ദിയും പറഞ്ഞു.
