പൂമാല: ഗവ. ട്രൈബല്‍ ഹയര്‍ സെക്കന്‍ഡറി സ്‌കൂളില്‍ മാതൃഭൂമി സീഡ് പ്രവര്‍ത്തന പരിപാടികളുടെ ഉദ്ഘാടനം വാര്‍ഡ് മെമ്പര്‍ ബിജി രവികുമാര്‍ നിര്‍വഹിച്ചു.
സ്‌കൂള്‍ സൗന്ദര്യവത്കരണം, കര്‍ഷകദിനത്തില്‍ കര്‍ഷകരോടൊത്ത് തുടങ്ങിയവ സംഘടിപ്പിച്ചു. പ്രകൃതി സംരക്ഷണത്തിന്റെ പ്രാധാന്യം വിളിച്ചറിയിക്കുന്ന ജോസ്‌നമോള്‍ ടീമിന്റെ പരിസ്ഥിതി ഗാനത്തോടെയാണ് യോഗനടപടികള്‍ ആരംഭിച്ചത്. സീഡ് കോ-ഓര്‍ഡിനേറ്റര്‍ ഷക്കീല ഹസ്സന്‍ ക്ലബ്ബിന്റെ ലക്ഷ്യവും ഒരു വര്‍ഷത്തെ പ്രവര്‍ത്തന കലണ്ടറും ആമുഖമായി അവതരിപ്പിച്ചു. സോബിന്‍ സിബി സീഡ് പ്രതിജ്ഞ ചൊല്ലിക്കൊടുത്തു. സോനാ സാബു ആന്‍ഡ് പാര്‍ട്ടിയുടെ നേതൃത്വത്തില്‍ വിവിധ കലാപരിപാടികളും ഒരുങ്ങി. സ്‌കൂള്‍ ഹെഡ്മിസ്ട്രസ് അജിന മാധവന്റെ അധ്യക്ഷതയില്‍ കൂടിയ യോഗത്തിന് അമൃത ഷാജി സ്വാഗതവും ലേഖാമോള്‍ ജോസഫ് നന്ദിയും പറഞ്ഞു. അധ്യാപകരായ പി.എന്‍. വിശ്വനാഥന്‍, വി.വി. ഷാജി തുടങ്ങിയവര്‍ സംസാരിച്ചു.
