പരിസ്ഥിതി പഠനത്തിനായി വായനമുറി

ആലപ്പുഴ: എസ്.ഡി.വി. ബോയ്‌സ് എച്ച്.എസ്സിലെ സീഡ് ക്ലബ് അംഗങ്ങള്‍ക്ക് പരിസ്ഥിതി പഠനത്തിനായി വായനമുറി ഒരുക്കി. വായനയിലൂടെ പ്രകൃതിയിലെ വിസ്മയങ്ങളെക്കുറിച്ചും വിവിധ ജീവികളുടെ ജീവിത രീതികളെക്കുറിച്ചും അറിയുന്നതിനായി നൂറില്‍പ്പരം പുസ്തകങ്ങളും സി.ഡി.കളും വായനമുറിയില്‍ ഒരുക്കിയിട്ടുണ്ട്. വായനമുറിയുടെ ഉദ്ഘാടനം എസ്.ഡി.വി. സ്കൂള്‍ പ്രധാനാധ്യാപിക ടി.എം.ഈശ്വരി നിര്‍വഹിച്ചു. ചടങ്ങില്‍ സയന്‍സ് ക്ലബ് കണ്‍വീനര്‍ ബീന ബായ്, കെ.സി.സ്‌നേഹശ്രീ, വി.ജയന്തി എന്നിവര്‍ പങ്കെടുത്തു.