നൂറനാട് സി.ബി.എം. എച്ച്.എസ്. സീഡ് ക്ലബ് കരനെല്‍ക്കൃഷി തുടങ്ങി

 

ചാരുംമൂട്: നൂറനാട് സി.ബി.എം. ഹയര്‍ സെക്കന്‍ഡറി സ്കൂളില്‍ മാതൃഭൂമി സീഡ് ക്ലബ് അംഗങ്ങളുടെ നേതൃത്വത്തില്‍ കരനെല്‍ക്കൃഷി തുടങ്ങി. സ്കൂളിലെ 20 സെന്റ് സ്ഥലത്ത് കര്‍ഷക അവാര്‍ഡ് ജേതാവ് പയ്യനല്ലൂര്‍ വിജയന്‍ പിള്ള വിത്തുവിതച്ച് ഉദ്ഘാടനം ചെയ്തു. 

സീഡ് ക്ലബ്ബിലെ കുട്ടിക്കര്‍ഷകര്‍ക്ക് കൃഷിയെയും കാര്‍ഷിക സംസ്കാരത്തെയും കുറിച്ച് അദ്ദേഹം ക്ലാസ്സെടുത്തു. ഹെഡ്മിസ്ട്രസ് സി. തങ്കമണി അധ്യക്ഷത വഹിച്ചു. സ്റ്റാഫ് സെക്രട്ടറി എസ്. രാജേഷ്, സീഡ് കോ-ഓര്‍ഡിനേറ്റര്‍ എസ്. സുനിത, അധ്യാപകരായ കെ. ഉണ്ണിക്കൃഷ്ണന്‍, പ്രശോഭ് കൃഷ്ണന്‍, ആര്‍. സന്തോഷ് ബാബു, എസ്. രാജി, കെ.ജി. രാജശ്രീ, എസ്. ശ്രീജ, വി. സുനിത, എം. ദീപ, സ്മിത ബി. പിള്ള, ലക്ഷ്മി എന്നിവര്‍ പങ്കെടുത്തു.