വള്ളികുന്നം: വള്ളികുന്നം എ.ജി.ആര്‍.എം. ഹയര്‍സെക്കന്‍ഡറി സ്കൂളില്‍ യുവജനോത്സവം, വിദ്യാരംഗം കലാസാഹിത്യവേദി എന്നിവയുടെ ഉദ്ഘാടനവും മാതൃഭൂമി സീഡ് പദ്ധതിയുടെ തീം സോങ് സി.ഡി.യുടെ പ്രകാശനവും നടത്തി.
ജില്ലാ പഞ്ചായത്ത് പ്രസിഡന്റ് പ്രതിഭ ഹരി യുവജനോത്സവത്തിന്റെയും വിദ്യാരംഗം കലാസാഹിത്യവേദിയുടെയും ഉദ്ഘാടനം നിര്‍വഹിച്ചു. മാതൃഭൂമി സീഡിന്റെ തീം സോങ് സി.ഡി. ആലപ്പുഴ യൂണിറ്റ് മാനേജര്‍ സി. സുരേഷ്കുമാര്‍ പ്രകാശനം ചെയ്തു. സ്കൂള്‍ പി.ടി.എ. പ്രസിഡന്റ് വി.രാജേന്ദ്രന്‍ അധ്യക്ഷത വഹിച്ചു.
വിദ്യാഭ്യാസ അവാര്‍ഡുകള്‍ പൂര്‍വ അധ്യാപകന്‍ ജി.മോഹനന്‍ പിള്ളയും പൂര്‍വവിദ്യാര്‍ഥി പി.ഡി.പ്രേംലാലും ചേര്‍ന്ന് വിതരണം ചെയ്തു. പ്രിന്‍സിപ്പല്‍ എസ്.രാജേശ്വരി, ഹെഡ്മിസ്ട്രസ് എസ്.നിര്‍മ്മലകുമാരി, രവീന്ദ്രന്‍, കെ.പത്മകുമാരിയമ്മ, എം.ബാബുരാജ്, എസ്.രാമകൃഷ്ണന്‍ തുടങ്ങിയവര്‍പ്രസംഗിച്ചു.
ആര്‍.കെ.ദാമോദരന്‍ രചിച്ച് എ.ജി.ആര്‍.എം.സ്കൂളിലെ അധ്യാപകന്‍ മനോജ് വള്ളികുന്നം സംഗീത സംവിധാനം നടത്തിയ സീഡിന്റെ തീം സോങ് പ്രകാശ് കൊട്ടാരക്കരയാണ് പാടിയത്.
