കണ്ണവം: സ്‌കൂളിലെ എല്ലാ വിദ്യാര്‍ഥികള്‍ക്കും ബാങ്ക് നിക്ഷേപമൊരുക്കി കണ്ണവം യു.പി. സ്‌കൂള്‍ സീഡ് ക്ലബ്ബ് മാതൃകസൃഷ്ടിക്കുന്നു. സ്‌കൂള്‍ സീഡ് ക്ലബ്ബ് കണ്ണവം സഹകരണ ബാങ്കുമായി ചേര്‍ന്നാണ് പദ്ധതി യാഥാര്‍ഥ്യമാക്കിയത്. ഉദ്ഘാടനം ബാങ്ക് പ്രസിഡന്റും പി.ടി.എ. അധ്യക്ഷനുമായ പി.ജനാര്‍ദനന്‍ ഉദ്ഘാടനം ചെയ്തു. കുട്ടികളില്‍ സമ്പാദ്യശീലം വളര്‍ത്തുന്നതോടൊപ്പം അനാവശ്യ ഭക്ഷ്യവസ്തുക്കള്‍ വാങ്ങുന്ന ശീലത്തിന് തടയിടാന്‍ കൂടിയാണ് പദ്ധതിയെന്ന് സ്‌കൂള്‍ സീഡ് കോ ഓര്‍ഡിനേറ്റര്‍ കെ.ഭാസ്‌കരന്‍ പറഞ്ഞു.മഴത്തട കൃഷിയുടെ ഭാഗമായുള്ള തൈവിതരണം കൂത്തുപറമ്പ് ബ്ലോക്ക് പഞ്ചായത്ത് പ്രസിഡന്റ് വി.സൗമിനി സീഡ് റിപ്പോര്‍ട്ടര്‍ ആദര്‍ഷിന് നല്‍കി ഉദ്ഘാടനം ചെയ്തു. പി.ജനാര്‍ദനന്‍ അധ്യക്ഷത വഹിച്ച ചടങ്ങില്‍ അഗ്രോ സര്‍വീസ് സെന്റര്‍ പ്രസിഡന്റ് പദ്മനാഭന്‍ മാതൃഭൂമി സീഡ് കോ ഓര്‍ഡിനേറ്റര്‍ സി.സുനില്‍കുമാര്‍ എന്നിവര്‍ ക്ലാസെടുത്തു. ബാങ്കുനിക്ഷേപം നടത്തിയ കുട്ടികളില്‍നിന്ന് തിരഞ്ഞെടുക്കപ്പെട്ടവര്‍ക്ക് കൃഷി അസിസ്റ്റന്റ് നിജ സമ്മാനം നല്‍കി.
സ്റ്റാഫ് സെക്രട്ടറി എം.പദ്മനാഭന്‍ സ്വാഗതവും സീഡ് ക്ലബ്ബ് കോ ഓര്‍ഡിനേറ്റര്‍ കെ.ഭാസ്‌കരന്‍ നന്ദിയും പറഞ്ഞു.
