മാരാരിക്കുളം:ഗാന്ധിയന്‍ ദര്‍ശനങ്ങളെക്കുറിച്ച് പഠിക്കാന്‍ കണിച്ചുകുളങ്ങര വൊക്കേഷണല്‍ ഹയര്‍ സെക്കന്‍ഡറി സ്കൂളിലെ മാതൃഭൂമി സീഡ് അംഗങ്ങള്‍ ഗാന്ധിദര്‍ശന്‍ പഠനയാത്ര തുടങ്ങി. പഠനയാത്രയുടെ ഭാഗമായി വിദ്യാര്‍ഥികള്‍ എസ്.എല്‍.പുരം ഗാന്ധി സ്മാരക ഗ്രാമസേവാ കേന്ദ്രത്തില്‍ എത്തി ഗാന്ധിയന്‍ പ്രവര്‍ത്തകരുമായി ചര്‍ച്ച നടത്തി. ഗാന്ധി സ്മാരകനിധി സംസ്ഥാന സെക്രട്ടറിയും ഗാന്ധി സ്മാരക ഗ്രാമ സേവാ കേന്ദ്രം സെക്രട്ടറിയുമായ കെ.ജി. ജഗദീശന്‍ ഗാന്ധിയന്‍ ആദര്‍ശങ്ങളെപ്പറ്റി വിശദീകരിച്ചു. കുട്ടികളുടെ ചോദ്യങ്ങള്‍ക്ക് അദ്ദേഹം മറുപടിയും നല്കി.സീഡ് ക്ലബ് കോ- ഓര്‍ഡിനേറ്റര്‍ അരുണ രവീന്ദ്രന്‍, പി.ടി.എ.പ്രസിഡന്റ് എന്‍.രാജീവ്, പ്രിന്‍സിപ്പല്‍ എം.ബാബു, അധ്യാപികമാരായ പി.പ്രീത, സ്വപ്ന രാമന്‍, എസ്.സജിത എന്നിവര്‍ നേതൃത്വം നല്കി.
