മയ്യഴി: പള്ളൂര്‍ ശ്രീനാരായണ ഹൈസ്‌കൂള്‍ സീഡ് ക്ലബ് ഗൃഹമാലിന്യസംസ്‌കരണപദ്ധതി തുടങ്ങി. സ്‌കൂള്‍ വിദ്യാര്‍ഥികളുടെയും സ്‌കൂളിന്റെ സമീപ പ്രദേശങ്ങളിലുള്ളവരുടെയും വീടുകളില്‍ പൈപ്പ് കമ്പോസ്റ്റിങ്ങാണ് നടപ്പാക്കുന്നത്. സ്‌കൂള്‍ വിദ്യാഭ്യാസ സാംസ്‌കാരിക സമിതി സെക്രട്ടറി പി.സതീഷ്ചന്ദ്രന്റെ വീട്ടില്‍ പൈപ്പ് കമ്പോസ്റ്റിങ് സ്ഥാപിച്ച് പദ്ധതിയുടെ ഉദ്ഘാടനം പ്രസിഡന്റ് പി.വി.കുമാര്‍ നിര്‍വഹിച്ചു. പ്രഥമാധ്യാപിക പി.എം.പത്മാക്ഷി അധ്യക്ഷത വഹിച്ചു. മാനേജര്‍ പി.ടി.വത്സരാജ്, പി.ശ്രീധരന്‍, കണ്ണിപ്പൊയില്‍ ബാബു, മോഹനന്‍, പുഷ്പവല്ലി, സ്‌കൂള്‍ സീഡ് കോ ഓര്‍ഡിനേറ്റര്‍ പ്രബുല എന്നിവര്‍ പ്രസംഗിച്ചു. സീഡ് ക്ലബ് അംഗങ്ങളായ അമിത്ത്ബാബു, വിഷ്ണു, മേഘ, അനഘ, അയന എന്നിവര്‍ നേതൃത്വം നല്‍കി. പദ്ധതി സ്ഥാപിക്കുന്നതിന് സ്‌കൂളുമായി ബന്ധപ്പെടണം. ഫോണ്‍: 04902 335400.
_363.jpg)
