സീഡ് വാര്‍ത്തകളുമായി സ്കൂളില്‍നിന്ന് ത്രൈമാസികം

 

 

ചെങ്ങന്നൂര്‍: പാണ്ടനാട് സ്വാമി വിവേകാനന്ദ ഹൈസ്കൂളില്‍നിന്ന് മാതൃഭൂമി സീഡ് വാര്‍ത്തകളുമായി "ഹരിതം' പുറത്തിറങ്ങി. 

    മൂന്നുമാസത്തിലൊരിക്കല്‍ പ്രസിദ്ധീകരിക്കാന്‍ തീരുമാനിച്ചിട്ടുള്ള ഹരിതം കെട്ടിലും മട്ടിലും ആകര്‍ഷകം. ഈ സ്കൂളിലെ വിദ്യാര്‍ഥികളെ മാത്രം ലക്ഷ്യമാക്കിയുള്ള സംരംഭമല്ല ഇത്. മറ്റു സ്കൂളുകളിലെ വിദ്യാര്‍ഥികള്‍ക്കും ഈ പ്രസിദ്ധീകരണത്തില്‍ പങ്കാളികളാകാം. 

    അവരുടെ സൃഷ്ടികള്‍ "ഹരിത'ത്തില്‍ പ്രസിദ്ധീകരിക്കും.

 മറ്റ് സ്കൂളുകളുടെ സീഡ് പ്രവര്‍ത്തന റിപ്പോര്‍ട്ട്, ചിത്രങ്ങള്‍ എന്നിവയും ഉള്‍പ്പെടുത്തും.

ഹെഡ്മിസ്ട്രസ്സ് എം.സി.അംബികാകുമാരി, പി.ടി.എ.പ്രസിഡന്റ് എം.എസ്.രാധാകൃഷ്ണപിള്ള, സീഡ് കോ-ഓര്‍ഡിനേറ്റര്‍ ആര്‍.രാജേഷ്, സ്റ്റാഫ് സെക്രട്ടറി ജി.കൃഷ്ണകുമാര്‍ എന്നിവര്‍ പ്രവര്‍ത്തനങ്ങള്‍ക്ക് നേതൃത്വം നല്കുന്നു.

സീഡ് പ്രവര്‍ത്തനങ്ങളുടെ ചിത്രങ്ങള്‍, റിപ്പോര്‍ട്ട്, സാഹിത്യരചനകള്‍ എന്നിവ ആര്‍.രാജേഷ്, സീഡ് കോ-ഓര്‍ഡിനേറ്റര്‍, എസ്.വി.ഹൈസ്കൂള്‍, പാണ്ടനാട് പി.ഒ, ചെങ്ങന്നൂര്‍ എന്ന വിലാസത്തിലയയ്ക്കണം.