ദേശീയോദ്ഗ്രഥന നൗകാപ്രയാണം ഒരുക്കി സീഡ് ക്ലബ്

ആലപ്പുഴ: വെള്ളപ്പൊക്ക ദുരിതമനുഭവിക്കുന്ന പ്രദേശത്ത് ചെറുവഞ്ചികളില്‍ ദേശീയോദ്ഗ്രഥന റാലിയൊരുക്കി സീഡ് ക്ലബ് നേതൃത്വത്തില്‍ വിദ്യാര്‍ഥികളുടെ സ്വാതന്ത്ര്യ ദിനാഘോഷം. കുപ്പപ്പുറം ഗവണ്‍മെന്റ് ഹൈസ്കൂളിലെ സീഡ് ക്ലബ്ബാണ് സ്വാതന്ത്ര്യദിന സന്ദേശവുമായി ദേശീയോദ്ഗ്രഥന നൗകാപ്രയാണം നടത്തിയത്.

പ്രളയദുരന്തത്തിന്റെ നടുവിലായ പ്രദേശവാസികള്‍ നൗകാപ്രയാണത്തിന് പിന്തുണയും പ്രോത്സാഹനവുമായി എത്തിയിരുന്നു.

 കെനകരി പഞ്ചായത്ത് ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ സുനില്‍ പത്മനാഭന്‍ നൗകാ പ്രയാണം ഉദ്ഘാടനം ചെയ്തു. പി.ടി.എ. പ്രസിഡന്റ് ആര്‍. വിശാഖന്‍ അധ്യക്ഷത വഹിച്ചു. അധ്യാപകരായ ജാന്‍സി ബിയാട്രിക്, വി.എം. റോബര്‍ട്ട്, വെങ്കിടേശ്വര ആചാര്യര്‍ എന്നിവര്‍ സംസാരിച്ചു. സീഡ് കോ ഓര്‍ഡിനേറ്റര്‍ സ്റ്റാലിന്‍ കെ.ജെ. നേതൃത്വം നല്‍കി.