നടുവട്ടം: സമൂഹത്തിലെ നിരാലംബരായവര്‍ക്ക് ഒരു കൈത്താങ്ങായി രായിരനല്ലൂര്‍ എ.യു.പി.സ്‌കൂളിലെ സീഡ് വിദ്യാര്‍ഥികിള്‍. സീഡ് പ്രവര്‍ത്തനങ്ങളുടെ ഭാഗമായി സ്‌കൂളില്‍ വാഷിങ് പൗഡര്‍ നിര്‍മാണ യൂണിറ്റ് പ്രവര്‍ത്തനം ആരംഭിച്ചു.
വാഷിങ് പൗഡര്‍ വില്പനയിലൂടെ സമാഹരിക്കുന്ന തുക സ്‌കൂളിന്റെ പരിസരപ്രദേശത്തുള്ള രോഗബാധിതരും നിര്‍ധനരുമായ ആളുകളെ സഹായിക്കാനായി നീക്കിവെക്കാനാണ് തിരുമാനിച്ചിരിക്കുന്നത്. കുട്ടികള്‍ നിര്‍മിച്ച വാഷിങ് പൗഡറിന്റെ ആദ്യ വില്പന സ്‌കൂളില്‍നടന്ന ചടങ്ങില്‍ പ്രധാനാധ്യാപകന്‍ ദേവനാഥന്‍ നിര്‍വഹിച്ചു.
പി.ടി.എ. പ്രസിഡന്റ് ഒ.ടി. സുബൈര്‍ എറ്റുവാങ്ങി. സീഡ് കോ-ഓര്‍ഡിനേറ്റര്‍ അജിത്ത്, പി.ടി.എ. വൈസ് പ്രസിഡന്റ് യൂസഫ്, സ്‌കൂള്‍ മാനേജര്‍ കൃഷ്ണകുമാര്‍ തുടങ്ങിയവര്‍ സംസാരിച്ചു.
