കൊല്ലങ്കോട്: പനങ്ങാട്ടിരി എ.യു.പി. സ്‌കൂളിലെ മാതൃഭൂമി സീഡ് ക്ലബ്ബിന്റെ നേതൃത്വത്തില്‍ സ്‌കൂള്‍ വളപ്പില്‍ നടപ്പിലാക്കുന്ന പച്ചക്കറിക്കൃഷിയുടെ വിത്തുപാകല്‍ എലവഞ്ചേരി ഗ്രാമപ്പഞ്ചായത്ത് പ്രസിഡന്റ് കെ. ശിവരാമന്‍ ഉദ്ഘാടനം ചെയ്തു. കൃഷിവകുപ്പിന്റെ ഊര്‍ജ്ജിത പച്ചക്കറിവികസന പദ്ധതിവഴിയുള്ള സഹായത്തോടെയാണ് പതിനഞ്ച് സെന്റോളം സ്ഥലത്ത് കൃഷിചെയ്യുന്നത്.
എലവഞ്ചേരി കൃഷി ഓഫീസര്‍ ആര്‍. രുക്മിണി പദ്ധതി വിശദീകരിച്ചു. വിദ്യാര്‍ഥികള്‍ക്കുള്ള പച്ചക്കറിവിത്തിന്റെ വിതരണവും ചടങ്ങില്‍ നടന്നു. പി.ടി.എ. പ്രസിഡന്റ് ഉണ്ണിക്കൃഷ്ണന്‍ അധ്യക്ഷനായി. സ്‌കൂള്‍ മാനേജര്‍ കൊച്ചുകൃഷ്ണപണിക്കര്‍, പ്രധാനാധ്യാപിക ടി.കെ. അംബിക, അധ്യാപകരായ എന്‍. ഭാസ്‌കരന്‍, പി.ആര്‍. ജയകൃഷ്ണന്‍, എം. രാധാകൃഷ്ണന്‍, ഷാജിമോള്‍, കൃഷി അസിസ്റ്റന്റ് സുരേഷ്ബാബു, ബിന്ദു എന്നിവര്‍ പ്രസംഗിച്ചു.
