അടൂര്‍: ഒരു തലമുറയെ മുഴുവന്‍ ആവേശഭരിതരും പ്രചോദിതരുമാക്കിയ എ.പി.ജെ.അബ്ദുല്‍ കലാമിന് പറക്കോട് പി.ജി.എം.ഗേള്‍സ് സ്‌കൂള്‍ സീഡ് ക്ലബ്ബും ഹിന്ദി ക്ലബ്ബും ചേര്‍ന്ന് ശ്രദ്ധാഞ്ജലി ഒരുക്കി. ഭാരതത്തിന്റെ മിസൈല്‍മാനെ അനുസ്മരിച്ച് അദ്ദേഹത്തിന്റെ ജീവിതവുമായി ബന്ധപ്പെട്ട വിവിധ പരിപാടികള്‍ കുട്ടികള്‍ ഹിന്ദിയില്‍ അവതരിപ്പിച്ചു. എ.പി.ജെ.യെക്കുറിച്ച് പത്രങ്ങളില്‍വന്ന വാര്‍ത്തകളുടെ പ്രദര്‍ശനവും ഒരുക്കിയിരുന്നു. ഹെഡ്മിസ്ട്രസ് ആര്‍.എല്‍.ഗീത അനുശോചന സന്ദേശം നടത്തി. വിദ്യാര്‍ഥികളായ ആരതി, പൂജ, രഹന ഷാജഹാന്‍, ശില്‍പ്പ, കാവ്യ, അവന്തിക, ആര്യ, നവ്യ മോഹന്‍, രാജലക്ഷ്മി എന്നിവര്‍ ശ്രദ്ധാഞ്ജലി പരിപാടികള്‍ അവതരിപ്പിച്ചു. പി.അനിത, കെ.ശ്രീലത, വി.എസ്.മഞ്ജു, ജി.റാണി, സീഡ് കോ-ഓര്‍ഡിനേറ്റര്‍ ജി.ചിന്തു എന്നിവര്‍ നേതൃത്വം നല്കി.
