ആലപ്പുഴ: വഴിയോര തണല്‍മരങ്ങള്‍ ആണിയടിച്ചും മറ്റും നശിപ്പിക്കുന്നതിനെതിരെ താമരക്കുളം വി.വി.എച്ച്.എസ്.എസ്സിലെ സീഡ് പ്രവര്‍ത്തകര്‍ കൂട്ടായ്മ ഒരുക്കുന്നു. ഫ്‌ളക്‌സ് ബോര്‍ഡും മറ്റും സ്ഥാപിച്ച് വഴിയോര മരങ്ങള്‍ പലതും നശിക്കുകയാണ്. താമരക്കുളം സ്കൂളിന്റെ പരാതിയെ തുടര്‍ന്ന് സോഷ്യല്‍ ഫോറസ്ട്രി വിഭാഗം പ്രിന്‍സിപ്പല്‍ ചീഫ് ഫോറസ്റ്റ് കണ്‍സര്‍വേറ്റര്‍ സംരക്ഷണ നടപടിക്ക് ഉത്തരവിറക്കിയിട്ടുണ്ടെങ്കിലും ശരിയായി നടപ്പാക്കുന്നില്ല. സംസ്ഥാനത്തെ മുഴുവന്‍ സ്കൂളുകളുടെയും സഹകരണത്തോടെ തണല്‍മരങ്ങള്‍ സംരക്ഷിക്കാനാകുമെന്നാണ് പ്രതീക്ഷ. ഇതിനുള്ള കൂട്ടായ്മയില്‍ പങ്കെടുക്കാന്‍ ആഗ്രഹിക്കുന്നവര്‍ 9446367671 എന്ന നമ്പറില്‍ ബന്ധപ്പെടണം.
