|
||||||
പട്ടാഴി വി.എച്ച്.എസ്. സ്‌കൂളില്‍ സീഡ് പദ്ധതി തുടങ്ങി
Posted By : klmadmin On 26th July 2015
പട്ടാഴി സ്‌കൂളില്‍ മാതൃഭൂമി സീഡിന്റെ പ്രവര്‍ത്തനോദ്ഘാടനം ജില്ലാ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ അഡ്വ. ബിജു കെ.മാത്യു നിര്‍വഹിക്കുന്നു
പത്തനാപുരം: പട്ടാഴി ഗവ. വി.എച്ച്.എസ്. സ്‌കൂളില്‍ മാതൃഭൂമി സീഡ് പദ്ധതി തുടങ്ങി. വൊക്കേഷണല്‍ ഹയര്‍ സെക്കന്‍ഡറി പ്രവേശനോത്സവത്തോട് അനുബന്ധിച്ചാണ് പുതിയ അധ്യയനവര്‍ഷത്തെ സീഡ് പ്രവര്‍ത്തനങ്ങള്‍ക്ക് തുടക്കം കുറിച്ചത്. രക്ഷാകര്‍ത്താക്കള്‍ക്ക് ഒപ്പമെത്തിയ വിദ്യാര്‍ഥികളും അധ്യാപകരും നിറഞ്ഞ പ്രൗഢഗംഭീരമായ ചടങ്ങില്‍ ജില്ലാ പഞ്ചായത്ത് വികസന സ്റ്റാന്‍ഡിങ് കമ്മിറ്റി ചെയര്‍മാന്‍ അഡ്വ. ബിജു കെ.മാത്യു സീഡിന്റെ പ്രവര്‍ത്തനോദ്ഘാടനം നിര്‍വഹിച്ചു. പരിസ്ഥിതി സംരക്ഷണ പ്രവര്‍ത്തനങ്ങളില്‍ മാതൃഭൂമിയുടെ പങ്ക് ഏറെ പ്രശംസാര്‍ഹമാണെന്ന് അദ്ദേഹം അഭിപ്രായപ്പെട്ടു. പി.ടി.എ. പ്രസിഡന്റ് എസ്.അജി അധ്യക്ഷത വഹിച്ചു. മാതൃഭൂമി സോഷ്യല്‍ ഇനിഷ്യേറ്റീവ് എക്‌സിക്യൂട്ടീവ് കെ.വൈ.ഷെഫീക്ക് ക്ലാസെടുത്തു.
പ്രിന്‍സിപ്പല്‍മാരായ ജെ.വേണു, ഉണ്ണിക്കൃഷ്ണന്‍ ഉണ്ണിത്താന്‍, സീഡ് അധ്യാപക കോഓര്‍ഡിനേറ്റര്‍ വി.ബിനുകുമാര്‍, അധ്യാപകരായ കെ.ഷിബു, അനിത, സുനില്‍കുമാര്‍, മാതൃഭൂമി പത്തനാപുരം ലേഖകന്‍ ഗോപകുമാര്‍ പട്ടാഴി, യു.പ്രദീപ്കുമാര്‍ എന്നിവര്‍ പങ്കെടുത്തു.
Login
Important links
 |  |
Social Network
