മലപ്പുറം:- മുതുകുര്‍ശ്ശി സ്‌കൂളില്‍ മണ്ണിനെ അറിയുന്ന നന്മ

പെരിന്തല്‍മണ്ണ: മുതുകുര്‍ശ്ശി വി.ആര്‍.യു.പി. സ്‌കൂളില്‍ മണ്ണിനെ അറിഞ്ഞ് വിദ്യാര്‍ഥികള്‍. മാതൃഭൂമി സീഡ് പ്രവര്‍ത്തകരാണ് സ്‌കൂള്‍ മുറ്റത്തൊരു പച്ചക്കറിത്തോട്ടം, അടുക്കളമുറ്റത്തൊരു പച്ചക്കറിത്തോട്ടം പദ്ധതികള്‍ തുടങ്ങിയത്.

 പദ്ധതിയുടെ ഭാഗമായി പച്ചക്കറിവിത്തുകളുടെ വിതരണം ഏലംകുളം കൃഷിഓഫീസര്‍ ശ്രീരേഖ ഉദ്ഘാടനംചെയ്തു. തുടര്‍ന്ന് കൃഷിസംബന്ധിച്ച സംശയങ്ങള്‍ കുട്ടികള്‍ കൃഷിഓഫീസറോട് ചോദിച്ചറിഞ്ഞു.

പഠനത്തോടൊപ്പം കൃഷിയിലും ശ്രദ്ധിക്കുമെന്ന ഉറപ്പും നല്‍കിയാണ് കുട്ടികള്‍ മടങ്ങിയത്. 

സീഡ് കോ ഓര്‍ഡിനേറ്റര്‍ ടി.വി. അനില്‍കുമാര്‍, അധ്യാപകരായ ഇ. ജയപ്രകാശ്, ഇ. ഗിരിജാദേവി എന്നിവര്‍ സംസാരിച്ചു.