ഇരിങ്ങാലക്കുട: സീഡിന്റെ നേതൃത്വത്തില്‍ കാരുകുളങ്ങര ക്ഷേത്രത്തില്‍ നക്ഷത്രവനം പദ്ധതി തുടങ്ങി. ഇരിങ്ങാലക്കുട നാഷണല്‍ ഹയര്‍ സെക്കന്‍ഡറി സ്‌കൂളിലെ സീഡിന്റേയും കാരുകുളങ്ങര നരസിംഹസ്വാമി ക്ഷേത്രക്കമ്മിറ്റിയുടേയും നേതൃത്വത്തില്‍ നടന്ന പരിപാടി ക്ഷേത്രം പ്രസിഡന്റ് പി.കെ. ശിവദാസ് ഉദ്ഘാടനം ചെയ്തു. ചാലക്കുടി സോഷ്യല്‍ ഫോറസ്ട്രിയില്‍നിന്നാണ് തൈകള്‍ ലഭിച്ചത്. ക്ഷേത്രം സെക്രട്ടറി എം. നാരായണന്‍കുട്ടി, ഹരി നാഗത്ത് എന്നിവര്‍ സംസാരിച്ചു. സീഡ് കോ-ഓര്‍ഡിനേറ്റര്‍ ഒ.എസ്. ശ്രീജിത്ത്, സതി തറയില്‍, സ്‌നേഹ സജീവ്കുമാര്‍, ജ്യോത്സ്‌ന പത്മനാഭന്‍, രോഹിത് വിജയന്‍, ഗോവിന്ദ് ആര്.!, നിഖില്‍, ആദര്‍ശ് കെ.എസ്., അരുണ്‍ എന്നിവര്‍ നേതൃത്വം നല്‍കി.
