|
||||||
പച്ചക്കറിക്കൃഷിയുമായി തെരൂര്‍ യു.പി.യിലെ കുട്ടികള്‍
Posted By : knradmin On 17th July 2015
മട്ടന്നൂര്‍: തെരൂര്‍ യു.പി.സ്‌കൂളില്‍ കുട്ടികള്‍ ഇക്കുറി പച്ചക്കറിക്കൃഷി നടത്തുന്നതിെന്റ ആവേശത്തിലാണ്.
മാതൃഭൂമി സീഡ് നേതൃത്വത്തില്‍ സ്‌കൂളിലെ കുട്ടികള്‍ പച്ചക്കറിവിത്ത് ഇക്കുറി ഗ്രോബാഗുകളിലാക്കിയാണ് സ്‌കൂള്‍ മുറ്റത്ത് നട്ടുവളര്‍ത്തുന്നത്.
വിത്തുനടീല്‍ ഉദ്ഘാടനം മദര്‍ പി.ടി.എ. പ്രസിഡന്റ് പി.എം.പുഷ്പ നിര്‍വഹിച്ചു. ചടങ്ങില്‍ പ്രഥമാധ്യാപിക ആര്‍.കെ.സുലോചന അധ്യക്ഷയായിരുന്നു.
സീഡ് കോ ഓര്‍ഡിനേറ്റര്‍ കെ.എന്‍.പി.സലീം, അധ്യാപകരായ പി.പി.സജീവന്‍, കെ.വനജ എന്നിവര്‍ സംസാരിച്ചു. സീഡ് ലീഡര്‍ ഹാഷിറിന്റെ നേതൃത്വത്തില്‍ 15 അംഗ സീഡ് സേന സ്‌കൂളിലെ പരിസ്ഥിതി വിഷയങ്ങളില്‍ സക്രിയമാണ്. സ്‌കൂളിലെ സീഡ് ഔഷധത്തോട്ടം, പൂന്തോട്ടം എന്നിവ വൃത്തിയാക്കി.
ജൈവകൃഷിയും പ്രകൃതിസംരക്ഷണവുമായി ബന്ധപ്പെട്ട 'നവമുകുളം' ഷോര്‍ട്ട് ഫിലിമിന്റെ പ്രദര്‍ശനവും നടത്തി.
Login
Important links
 |  |
Social Network
